Tag Archives: கருவி

சிவ வாக்கியம் – 86

சிவவாக்கியர் பாடல்கள் – 86                                  ********************************************

86.இறைவனா லெடுத்தமாடத் தில்லையம் பலத்திலே

அறிவினா வடுத்தகாய மஞ்சினா லமர்ந்ததே

கருவிநாத முண்டுபோய் கழன்றவாச லொன்பதும்

ஒருவரா யொருவர்கோடி யுள்ளுளே யமர்ந்ததே.

 

கருவி = பொறியும், அந்தக்கரணங்களும்;

கருவி கழலுதல் = பலம் கெடுதல்; நாதம் = விந்து

 

தில்லையம்பலத்திலே உறையும்(எழுந்தருளியிருக்கும்) இறைவனால் ஐந்து பூதங்களாகிய நீர், நிலம், நெருப்பு, காற்று, ஆகாயம் ஆகியவற்றால் மாடமாகிய உடல் உருவாக்கப்பட்டது. அதில் நாதமாகிய விந்து பெலம் குன்ற(குறைய), பொறிகளும் அந்தக்கரணங்களும் பெலம் குன்றி சீரழிந்துவிடும். அப்படி விந்து நாதம் பெலம் குன்றாது, ஒன்பது வாயில்களை ஒன்று சேர அடைத்து, சீவனாகிய சிவனை உடலுக்குள் செலுத்தவேண்டிய இடத்தில் மாத்திரம் செலுத்துபவர்கள் கோடியில் ஒருவரே.