Tag Archives: நவராத்திரி

நவராத்திரி விழா(விரதம்) – கரு(த்து)

பக்தி நிலை ஒழுகுவார்க்கு, அவர்தம் பாங்கிலே விளக்கினோம். அந்நிலை கடந்து அடுத்த நிலையிலுள்ளார்க்கு இப்பொழுதே இயம்புவாம்.
“எங்கெங்கு காணிணும் சக்தியடா”, என்றான் பாரதி.
நவராத்திரி வழா(விரதம்) இருப்பதன் தத்துவம் என்ன?
முதலில் (விந்து, அண்ட)சக்தியால் தோன்றிய உயிர், தன்னைப் உண்டாக்கிய(படைத்த) சக்தியை வணங்குதலாம். அப்பொழுது விரதம் இருந்து விந்து சக்தியடக்கி, சக்தியை வளர்த்துக் கொள்ளல் வேண்டும்.

திருமந்திரம்:
“பிறப்பை யறுக்கும் பெருந்தவம் நல்கும்
மறப்பை யறுக்கும் வழிபட வைக்கும்
குறப்பெண் குவிமுலை கோமள வல்லி
சிறப்பொடு பூசனை செய்யநின் றார்க்கே.”

குறப்பெண்ணாம், குவிமுலை கோமளவல்லியாம் ஆதி பராசக்தி, சிறப்பொடு பூசை செய்தவர்களுக்கு, பிறப்பையறுத்து, பெருந் தவத்தைக் கொடுத்து, இறைவனை மறக்கும் மறப்பையும் அறுத்துத் தன்னையும் தலைவனையும் வழிபட வைப்பாள்.

பக்தி நிலையிலுள்ளார்க்கு, அம்மையின் குணநலன்களை உருவகித்து உருவமாக்கி அதை அலங்கரித்து, பூசை செய்யும் வழிகளையும் சொன்னோம். அம்மையை எந்நிலையில் வேண்டுமானாலும் அலங்கரித்து எந்த நாளிலும் பூசை செய்யலாம். மூலசக்தி ஒன்றே; உருவில் வேறுபட்டாலும் கருவில் ஒன்றே! எந்தப் படையலை வேண்டுமாகிலும் இடலாம்; ஏனெனில் “ஆவி உனக்கு – அமுது எனக்கு” என்றுதான் படையல் இடுகிறோம். எந்த இராகத்தில் வேண்டுமாகிலும் இறைசக்தியைத் துதிக்கலாம். ஏனெனில் இசைக் கலை இறைவன் தந்தது.

அந்நிலை கடந்தோர் சக்திகெட்டு சாயம் வெளுத்துப் போய்விடாமல் இருக்கத் தங்கள் நிலையில் நின்று சக்தியடக்கித் தவம் செய்து பலனடையுங்கள்.

சக்திகெட்ட மனிதனுக்குத் தரணி வாழ்வு ஏதடா?