Tag Archives: பிரபுலிங்க லீலை 5.26 to 5.30

பிரபுலிங்க லீலை 5.26 to 5.30

பிரபுலிங்க லீலை – 5.26
*****************************

மாயை அல்லமதேவரோடு பேசத் தொடங்குதல்
********************************************************

5.26 வலம்புரி வளைய னந்தம் மருங்குசூழ்ந் துறச்சி றந்த

சலஞ்சலம் இருப்ப தென்னத் தமனிய மணிமா டத்தில்

பொலங்குழை மகளிர் சூழப் பூந்தவி சிருந்து விஞ்சை

நலந்தெரி பவள்போல் எங்கள் நம்பனோ டுரைவி ழைந்தாள்.

 

வலம்புரி வளை அனந்தம் வலம்புரிச் சங்குகள் பல.
தமனிய மாடம் பொன்னாற் செய்யப்பெற்ற மாடம்.
பொலம் பொன். (“பொன்னென் கிளவி ஈறுகெட முன்னர்த் தோன்றும் லகார மகாரம்தொல்.)
விஞ்சை நலம் வித்தையின் மேன்மை.
நம்பன் அல்லமதேவர்.
உரை விழைந்தாள் பேசுதலை விரும்பினாள்.

வலம்புரிச் சங்குகளால் அலங்கரித்துக் கட்டப்பட்ட மணி மாளிகையில் பொன் குழை அணிந்த மாந்தர் சூழ பூவால் அலங்கரிக்கப்பட்ட ஆசனத்தில் இருந்து வித்தையின் மேன்மை அறிந்தவள்போல் அல்லம தேவரிடம் பேசுதலை மாயை விரும்பினாள்.